Aplikasyon an ap bon pou 120 jou apre nou resevwa li. Si pitit ou pa inskri nan MediKids, Healthy Kids oubyen Children’s Medical Services Network nan 120 jou, nap fe ou konnin pou ou ka re-aplike. Nou ka servi ak yon aplikasyon ki gin plis ke 120 jou pou nou gade si timoun nan kalifye pou Medicaid.

Kèk pwogram Florida KidCare ka gen plas limite, e aplikasyon yo aksepte dapre ki kantite moun ki genyen. Kan MediKids, Healthy Kids ak Children’s Medical Services Network pa gen plas pou plis timoun, anrolman pou pwogram sa yo ap femin. Medicaid aksepte nenpòt lè timoun ki ka kalifye. Medicaid toujou ouvri pou timoun sa yo.

Si anrolman pou MediKids, Healthy Kids ak Children’s Medical Services Network sa yo ap femin, Floirda KidCare tcheke pou wè si pitit ou yo ka kalifye pou Medicaid. Wap resevwa plis enfòmasyon si pitit ou yo kalifye pou Medicaid. Si pitit ou yo pa kalifye pou Medicaid, wap gen pou voye yon dezyèm aplikasyon pandan pwochen period kan MediKids, Healthy Kids ak Children’s Medical Services Network sa yo ap ouvri.

Kijan pou enprime aplikasyon Florida KidCare la

Fòmilè aplikasyon Florida KidCare la ak direksyon yo disponib sou fòm dosye PDF (Portable Document Format). Wap bezwen lojisyèl la ki rele Adobe Acrobat Reader pou enprime fòmilè a. Ou ka jwenn Adobe Acrobat Reader pou konmpitè ou an isit la.

Aplikasyon an ak enstriksyon yo gen 4 paj an total, sou fòma fèy papye minis (dimansyon legal) (8 1/2" x 14").

Tanpri enprime aplikasyon an ak direksyon yo sou yon fèy papye minis (8 1/2" x 14"). Pa itilize fèy papye fòma komèsyal e pa redwi dimansyon aplikasyon an paske li fè repwodiksyon lèt la a soti twò pitit kifè ka gen erè nan enfòmasyon ki sou aplikasyon an e ka fè gen delè pou yo detèminen si pitit ou elijib.

Tape isit la pou telechaje aplikasyon Florida KidCare la ak direksyon yo:

Kreyòl ayisyen (Haitian Creole)

Angle (English)

Panyòl (Spanish)

Si ou pa ka enprime fòmilè aplikasyon Florida KidCare an sou sit entènèt sa a pou nenpòt ki rezon, wap jwenn fòmilè sa yo nan:

1. Aplike Anliy Kounye a, oubyen
   
2. Sant sèvis Depatman timoun ak sèvis familyal (Department of Children and Families – DCF), oubyen
   
3. Liy sèvis enfòmasyon Florida KidCare (koutfil gratis):
   1-888-540-5437

Remonte anwo

Dokiman nesesè yo

Chanjman nan lwa leta Florida KidCare la oblije fanmi yo kounye la mete prèv revni yo ansanm ak aplikasyon Florida KidCare la. Aplikasyon ou an pa konplè si li pa gen dokiman nesesè yo. Tanpri voye fotokopi - pa voye dokiman orijinal yo.

Si ou pa gen dokiman sa yo oubyen si ou gen kesyon, rele gratis nan 1-888-540-5437 pou konnen ki sa ou ka fè.

Dokiman sou revni ki nesesè:

• Kob ke ou touche nan travay ou
  1. Dènye dosye enpo, OUBYEN
     
  2. Resi pewòl oubyen resi salè pou tou dènye mwa a oubyen yon lèt konpayi kote wap travay la ekri ki di konbyen lajan ou touche nan pou dènye kat semenn yo, OUBYEN
     
  3. Dènye papye (Fòm) W-2 (Salè ak dosye enpo).
     
• Kob ke ou resevwa san ou pa travay pou li (“Unearned Income”).
  Si ou resevwa “unearned income”, mete yon kopi lèt atribisyon an oubyen yon resi chèk pewòl.
  
• Pansyon alimatè pou timoun.
  Si ou resevwa peman pou pansyon alimantè pou timoun, mete yon kopi disizyon tribinal la, oubyen tou dènye chèk ou resevwa nan mwa a pou chak timoun, oubyen yon lèt paran ki peye pansyon alimantè pou timoun lan ekri.
  

Lòt dokiman:

1. Si pitit ou an pa sitwayen ameriken, mete yon kopi devan ak dèyè dokiman imigrasyon pou chak timoun wap fè aplikayson pou li nan Florida KidCare.
   
2. Si pitit ou an endyen ameriken oubyen natif natal Alaska, mete yon kopi devan ak dèyè kat idantifikasyon tribi a oubyen lòt dokiman ki idantifye tribi li.

Plis enfòmasyon sou dokiman nesesè yo disponib anliy nan: http://www.healthykids.org.

Remonte anwo

Kijan pou voye aplikasyon Florida KidCare ou an

Gen plizyè jan pou voye anvlòp aplikasyon Florida KidCare ou a: pa lapòs, pa faks, pa kourye express/overnight, si ou delivre li an pèsòn, oubyen pa imèl sou fòm kourye siplemantè ki kopye.

Voye aplikasyon an pa lapòs bay: Florida KidCare P.O. Box 980 Tallahassee, FL 32302-0980	Voye aplikasyon ou an pa faks bay: 1-866-867-0054
Delivre aplikasyon an pa pòs eksprès/yon jou (express/overnight mail), oubyen an pèsòn nan: Healthy Kids and Florida KidCare 661 East Jefferson Street, 2nd Floor Tallahassee, FL 32311	Voye kopi aplikasyon ou an ak dokiman nesesè yo (Email): apply@healthykids.org

Remonte anwo